E pozicionuar në zemër të bregdetit magjepsës të Jugut, Vila Celeste është një vilë dykatëshe që mishëron qetësinë, stilin dhe komoditetin në çdo detaj. Kjo rezidencë e bollshme është destinacioni ideal për ata që kërkojnë një arratisje të paharrueshme, duke kombinuar luksin modern me atmosferën e ngrohtë mesdhetare.

Me kapacitet deri në 10 persona, vila është perfekte për grupe miqsh, familje të mëdha apo çifte që udhëtojnë bashkë, duke ofruar privatësi dhe hapësira të ndara për pushim e çlodhje. Ajo përfshin ambiente të ndritshme dhe të ajrosura, të kuruara me kujdes, ku materiali natyral dhe ngjyrat e buta krijojnë një ndjesi të qetë dhe të rafinuar.

Pishina e vilës, e rrethuar nga gjelbërim dhe e pozicionuar në mënyrë që të përfitojë maksimumin e dritës dhe pivatësisë, është vendi i përkryer për të shijuar ditët me diell apo perëndimet magjike me një gotë verë në dorë. Krevatët e diellit dhe hapësira për të shijuar drink-et e pasdites e bëjnë të përsosur për momente relaksi me familjen apo miqtë. Oborri ofron ambiente të dedikuara për relaks apo socializim.

Dizajni i Vila Celeste bashkon linjat e pastra të arkitekturës bashkëkohore me ndjeshmërinë e një shtëpie bregdetare ku çdo detaj është menduar për të ofruar një eksperiencë pushimesh të nivelit të lartë, ku luksi nuk është vetëm në arredim, por në ndjesinë që krijon vendi – rehati, privatësi dhe relaks total.